نینگراں کوں عالمی ڈیجیٹل ٹیکنالوجی نال جوڑݨ کیتے لیپ ٹاپ ݙتے ویندے پئن، پروفیسر احسن اقبال

اسلام آباد۔6اگست  (اے پی پی) وفاقی وزیر منصوبہ بندی، ترقی تے خصوصی اقدامات  پروفیسر احسن اقبال آکھیا جو انڈسٹری اتے اکیڈمیہ دی بہتری کیتے نیوٹک دا کردار قابل تعریف اے۔ نینگر اساݙے ملک دا قیمتی سرمایہ ہن۔ نینگراں کوں عالمی ڈیجیٹل ٹیکنالوجی نال جوڑݨ کیتے لیپ ٹاپ ݙتے ویندے پئن۔ اے ڳالھیں وفاقی وزیر منصوبہ بندی تے خصوصی اقدامات احسن اقبال نیو ٹیک یونیورسٹی اسلام آباد اچ اوپن ہاؤس اتے جاب فیئر 2023 دے موقع تے آکھی۔ ایں موقع تے ریکٹر نیو ٹیک لیفٹننٹ جنرل (ر)معظم اعجاز،نیشنل وانٹرنیشنل کمپنیاں دے چیف ایگزیکٹو اتے ٻے اداریاں دے سربراہ وی موجود ہن۔ احسن اقبال شرکاء توں خطاب ہوئیں آکھیا جو اساں ساریاں کوں پاکستان دی ترقی کیتے رَل تے کم کرݨا پوسی۔ آزادی دے 75 سال پورےتھی ڳئن۔ انشا ءاللہ2047 تئیں پاکستان دا شمار 10عالمی طاقتاں اچ تھیسی۔ انہاں آکھیا جو سی پیک اچ چین 46 ارب ڈالر دی سرمایہ کاری دا اعلان کیتا جئیں نال عالمی تناظر اچ پاکستان دی معاشی حالت بدل ڳئی۔ چین 2018 تئیں 25 ارب ڈالر دی سرمایہ کاری کیتی۔ اساں سی پیک کوں ولا شروع کر ݙتے۔ گوادر اچ وی بند منصوبیاں کوں ولا شروع کر ݙتا ڳئے۔