صحافیوں نال رل تے آزادی اظہار رائے دی جنگ لڑی اے، نویں پارلیمان صحافیاں دیاں ترامیم ایں بل اچ رلیسی، مریم اورنگزیب

اسلام آباد۔7اگست(اے پی پی):وفاقی وزیر اطلاعات و نشریات مریم اورنگزیب آکھیے جو صحافیاں نال رل تے آزادی اظہار رائے دی جنگ لڑی، تنقید ہمیشہ برداشت کیتی اے، پیمرا (ترمیمی) بل دی تیاری اچ تمام صحافتی تنظیماں نال صلاح کیتی اے، صحافیاں دی رائے کوں بل تے اعتراض یا سبوتاژ کرݨ نئیں سمڄھدے، صحافیاں دی رائے دا احترام اے، نویں پالیمان آ تے صحافیاں دی ترامیم بل اچ رلیسی۔ اے ڳالھ انہاں میڈیا نال الیندے آکھی۔ انہاں آکھیا جو پیمرا (ترمیمی) بل 2023ء تے 12 مہینے توں مشاورت تھیندی پئی اے، اے بل صحافیاں دے حقوق دے تحفظ دا اے، مس انفارمیشن، ڈس انفارمیشن دی تعریف سودھا اظہار رائے دے قانون آرٹیکل 19 کوں پیمرا (ترمیمی) بل 2023ء اچ پاتے، جیندے کیتے اے پی این ایس، سی پی این ای، پی بی اے، ایمنڈ، پی ایف یو جے سودھا ساریاں میڈیا تنظیماں نال صلاح مشورہ کیتا ڳئے، ساݙی حکومت دے ݙو ݙینھ رہ ڳن، ہݨ نویں پالیمان آ تے صحافیاں دی ترامیم بل اچ رلیسی اتے سارے اعتراض دور کیتے ویسن۔