کہیں وی دہشتگرد گروہ یا جتھے نال مذاکرات نا تھیسن، افغان مہاجرین کوں پاکستان دے قانون دے مطابق رہݨا ہوسی، آرمی چیف جنرل سید عاصم منیر

راولپنڈی۔۔7اگست(اے پی پی)پاک فوج دے سربراہ جنرل سید عاصم منیر آکھیے جو مذاکرات ہوسن تاں صرف پاکستان اتے افغان عبوری حکومت نال ہوسن، کہیں وی دہشتگرد گروہ یا جتھے نال مذاکرات نا تھیسن، اسلام ڄھیں سلامتی دے دین کوں دہشتگردی دے وات سٹݨ آلیاں کوں حساب ݙیوݨا ہوسی، افغان مہاجرین کوں پاکستان دے قانون دے مطابق رہݨا ہوسی۔ اے ڳالھ انہاں ‎پشاور اچ تاریخی گرینڈ جرگہ نال خطاب اچ آکھی جو پاکستان دی عوا، فوج اتے سلامتی دے سارے ادارے ہک مٹھ ہین، پاکستانی فوج شہداء دی فوج اے ڄیندا نعرہ “ایمان ، تقویٰ و جہاد فی سبیل اللہ” اے، پاکستان کلمے دی بنیاد تے ٻݨݨ آلی ݙوڄھی ریاست اے۔ آرمی چیف افغان حکومت کوں آکھیا جو کیا احسان دا بدلہ احسان دے علاوہ کڄھ ٻیا وی تھی سڳدے؟ اے خوارج کیہری شریعت چاہندن؟ دہشت گرداں کولو ریاست دے اڳو ڳوݙے ٹیکݨ توں علاوہ ٻیا کوئی راہ کائنی، اسان اللہ دی راہ اچ جہاد کریندے پئے ہیں اتے کامیابی وی ساݙی ہی ہوسی، حکومتِ پاکستان دی منظوری دے بعد قبائل دے انضمام دے مسائل مکاوݨ سانڳے ہک سیکرٹریٹ ٻݨایا ویسی، ضم شدہ قبائلی عوام دی معاشی ترقی کیتے منصؤبیاںا چ نال رلایا ویسی، خیبر پختونخوا حکومت نال رل تے نویں ضم شدہ اضلاع اچ 81 ارب روپے دے ترقیاتی و فلاح وبہبود دے منصوبے شروع کیتے ویسن۔