وزیراعظم داپیشہ وارانہ ذمے واریاں نبھاوݨ ویلھے زندگی دی بازی ہرݨ آلے صحافیاں کیتے خصوصی فنڈ دے قیام دا اعلان

اسلام آباد۔8اگست(اے پی پی) وزیراعظم محمد شہباز شریف پیشہ وارانہ ذمے واریاں نبھاوݨ ویلھے زندگی دی بازی ہرݨ آلے صحافیاں کیتے خصوصی فنڈ دے قیام دا اعلان کیتے جیں دے تحت ایجھے کہیں حادثے اچ جاں بحق تھیوݨ آلے صحافی دے لواحقین کوں 40 لکھ روپے ݙتے ویسن جݙاں جو وزیراعظم صحافیاں کیتے پاکستان دی تاریخ اچ پہلی واری ہیلتھ کارڈ دا وی اجرا کرݙتے ۔اے ڳالھ انہاں منڳل کوں صحافیاں،فنکاراں کیتے ہیلتھ انشورنس کارڈ،پاکستان کوڈ، ڈیجیٹل ریپازٹری آف فیڈرل لازموبائل ایپ اتے ویب سائٹ دے اجرادی تقریب توں کطاب کریندے ہوئیں آکھی اے ۔ ایں موقع تے وفاقی وزیر اطلاعات و نشریات مریم اورنگزیب وی خطاب کیتا جݙاں جو وزیر قانون  سینیٹر اعظم نذیر تارڑ ، وفاقی سیکرٹری اطلاعات و نشریات سہیل علی خان ،صحافیاں اتے میڈیاورکرز دی قیادت وی موجود ہئی۔  وزیراعظم آکھیے مرض  زندگی دا حصہ  ہن ۔ ہیلتھ کارڈ دے جاری تھیوݨ تے ساریں کوں مبارخ ݙیندا، ایں کیتے مریم اورنگزیب  ، سیکرٹری اطلاعات  تے انہاں دی ٹیم دا خصوصی شکریہ ادا کریندوں ۔ انہاں ھک وݙی ذمہ واری نبھائی اے۔ اےصحافت دے میدان اچ ھک انقلابی قدم اے۔ ورکنگ جرنلسٹ اپݨے فرائض پورے کرݨ ویلھے ٻہوں سارے چیلنج اتے خطرے دا سامݨا کریندن ۔ پاکستان کوں ڈیجیٹل ریپازٹری آف فیڈرل لاز ، موبائل ایپ اتے ویب سائٹ دے اجرا تے  وزیرقانون اتے انہاں دی ٹیم کوں وی مبارخ ݙیندوں ، ایں توں ہݨ قوم تے پوری دنیا کوں قوانین تئیں رسائی حاصل ہوسی۔ سبھے قوانین تے آئینی دفعات  توں وختی طور تے مدد ڳھدی ونڄ سڳدی اے ۔ اے پاکستان دی تاریخ اچ پہلی واری تھئے ۔ وزیراعظم آکھیے وزیر اطلاعات  مریم اورنگزیب نال مشاورت تے فیصلہ کیتےجو او صحافی جیڑھے فرائض نبھاوݨ ویلھے زندگی توں ہتھ دھو ٻہن تاں انہاں کیتےخصوصی فنڈ داقیام عمل اچ گھن آیا ویندا پئے ایجھے حادثے دا شکارت تھیوݨ آلے صحافی دے گھر آلیں کوں 40 لکھ روپے دی رقم وزیراعظم فنڈ  توںݙتی ویسی ، اے رقم اڄ دے حالات اچ کوئی زیادہ کائنی حالی شروعات اے جݙاں پاکستان کوں مزید وسائل دستیاب ہوسن تاں ایندے اچ ودھارا تھیسی ۔