ڈیرہ غازی خان۔ 08 اگست (اے پی پی) غازی یونیورسٹی ڈیرہ غازی خان اچ شعبہ فزکس دے ہیڈ آف ڈیپارٹمنٹ ولوں طالبہ نال ودھیکی اتے ݙوجھے پروفیسر دی بلیک میلنگ دا مقدمہ تھاݨاں گدائی اچ درج کر ڳھدا ئے۔ پولیس ملزماں دی گرفتاری کیتے چھاپے مارݨ شروع کر ݙتن۔ تفصیل موجب غازی یونیورسٹی دے شعبہ فزکس دی طالبہ ثناء ارشاد ویڈیو بیان جاری کریندیں ہوئیں آکھیا جو اوندے نال ہک پروفیسر جنسی ودھیکی کیتی اتے ݙوجھے پروفیسر بلیک میل کریندا پئے جئیں دا ڈی پی او ڈیرہ غازی خان حسن افضل فوری نوٹس ڳھندیں ہوئیں ایس ایچ او تھاݨاں گدائی دی مقدمہ درج کرݨ دی ہدایت کیتی اتے منگل کوں طالبہ ثناء ارشاد دی مدعیت اچ مقدمہ 955/23 درج تھی ڳئے جئیں اچ مدعیہ آکھیا جو میݙی کلاس فیلو طاہرہ لال میکوں ودھیکی نمبر ݙواوݨ دے بہانے ایں سال مئی اچ شعبہ فزکس دے ہیڈ آف ڈیپارٹمنٹ ڈاکٹر ظفر وزیر اتے ڈاکٹر خالد خٹک کنے ڳھن ڳئی اتے ڈاکٹر ظفر وزیر میکوں نشہ ملائی ہوئی مشروب پلا تے میݙے نال ودھیکی کیتی اتے ڈاکٹر خالد خٹک میکوں اتے میݙی چھوٹی ٻھیݨ جیڑھی جو یونیورسٹی دی طالبہ اے کوں بلیک میل کریندا پئے۔ ایں واقعے دا نوٹس آئی جی پنجاب ڈاکٹر عثمان انور ڳھندیں ہوئیں ڈی پی او دیرہ غازی خان واقعہ دی تفتیش آپݨی نگرانی اچ کراوݨ دا حکم ݙتے۔
