پاکستان شہیداں تے غازیاں دی قربانیاں پاروں سکیورٹی دے لحاظ نال ہمیش کیتے محفوظ تھی ڳئے، ترقی تے خوشحالی دا جامع نظام وجود اچ آڳئے، وزیراعظم محمد شہباز شریف دا جی ایچ کیو اچ شہیداں دے ٹٻراں اتے غازیاں دے اعزاز اچ تھیوݨ آلی تقریب توں خطاب

راولپنڈی۔8اگست  (اے پی پی) وزیراعظم محمد شہباز شریف آکھیا جو پاکستان شہیداں تے غازیاں دی قربانیاں پاروں سکیورٹی دے لحاظ نال ہمیش کیتے محفوظ تھی ڳئے، ترقی تے خوشحالی دا جامع نظام وجود اچ آڳئے۔ اے ڳالھیں انہاں منگل کوں جی ایچ کیو اچ شہیداں دے ٹٻراں اتے غازیاں دے اعزاز اچ تھیوݨ آلی تقریب توں خطاب کریندیں ہوئیں آکھی۔ ایں موقع تے وفاقی وزارء خواجہ محمد آصف، مریم اورنگزیب، احسن اقبال، پاک فوج دے سربراہ جنرل سیّد عاصم منیر اتے مسلح افواج دے اعلیٰ افسراں دے علاوہ شہیداں دے ٹٻر اتے غازیاں دی وݙی تعداد شریک ہئی۔ وزیراعظم پاکستان دے دفاع کیتے آپݨی جاناں دا نذرانہ پیش کرݨ آلے شہیداں اتے غازیاں کوں خراج عقیدت پیش کریندیں ہوئیں پاکستان دے دفاع کیتے انہاں آکھیا جو عظیم قربانیاں دی مثال نی ملدی۔ وزیراعظم آکھیاجو اڄوکی حکومت دی محنت پاروں پاکستان اوکھے حالات توں نکل آئے۔ انہاں آکھیا جو آرمی چیف جنرل سیّد عاصم منیر اتے انہاں دی ٹیم پاکستان دی ترقی دا جیڑھا ماڈل ݙتے او قابل تعریف اے، ایس آئی ایف سی پاکستان دی ترقی دا روڈ میپ اے۔