اُتلے تے ادھلے پنجاب دے کجھ علاقیں اچ مینھ وسݨ دا امکان ، محکمہ موسمیات

لاہور۔9اگست(اے پی پی) ترجمان محکمہ موسمیات آپݨی رپورٹ اچ ݙسائے جو آندے 24 گھنٹے اچ پنجاب دیاں ٻہوں ساریاں جہیں تے موسم گرم تاں جو رات ویلھے سیالکوٹ، نارووال، جہلم، لاہور، گوجرانوالا، گجرات، راولپنڈی، اٹک، جہلم، چکوال، مری اتے گلیات اچ تکھی ہوا تے کھمݨ نال مینھ وسݨ دا امکان اے ۔ ترجمان موجب گزریل 24 گھنٹے اچ سیالکوٹ اچ 13، جہلم اچ 5 اتے گجرات اچ 2ملی میٹر مینھ وُٹھا ، جݙاں جو صوبے دے ٻئے حصیں اچ موسم گرم اتے رکھا رہیا ، لاہور اچ ودھ توں ودھ درجہ حرارت 37 ڈگری سینٹی گریڈ ریکارڈ کیتا ڳئے جݙاں جو ہوا اچ نمی دا تناسب 53 فیصد رہیا۔