قومی اسمبلی پیمرا ترمیمی بل 2023 دی اتفاق رائے نال منظوری ݙے ݙتی

اسلام آباد۔9اگست(اے پی پی)قومی اسمبلی پیمرا ترمیمی بل 2023 دی اتفاق رائے نال منظوری ݙے ݙتی۔ قومی اسمبلی اجلاس اچ وفاقی وزیر پارلیمان امور مرتضیٰ جاوید عباسی تحریک پیش کیتی جو پاکستان الیکٹرانک میڈیا ریگولیٹری اتھارٹی (ترمیمی) بل 2023 پیش کرݨ کیتے متعلقہ قواعد معطل کیتے ونڄن۔ ایوان توں تحریک دی منظوری دے بعد وفاقی وزیر اطلاعات و نشریات مریم اورنگزیب آکھیے جو پیمرا ترمیمی بل 2023 اتفاق رائے نال سینیٹ توں منظور تھی چکیے، چیئرمین پیمرا دی تعیناتی دا اختیار ایں ایوان کولو ہوسی۔ وفاقی وزیر اطلاعات و نشریات مریم اورنگزیب تحریک پیش کیت جو پیمرا ترمیمی بل 2023 سینیٹ توں منظور تھیوݨ آلی شکل اچ زیر غور لایا ونڄے۔ تحریک دی منظوری دے بعد سپیکر بل دیاں ساریاں شقاں دی ایوان توں منظوری ڳھدی۔ انہاں تحریک پیش کیتی جو پیمرا ترمیمی بل 2023 منظور کیتا ونڄے۔ قومی اسمبلی بل دی منظوری ݙے ݙتی۔