حکومت 16 مہینے وݙے چیلنج ݙٹھن، اوکھ توں نکلݨ کیتے صلاح مشورے نال اتحادی حکومت چلائی اے، وزیراعظم محمد شہباز شریف دی وفاقی سیکرٹریز نال الوداعی ملاقات

اسلام آباد۔10اگست(اے پی پی)وزیراعظم محمد شہباز شریف آکھیے جو حکومت دے اے سولہاں مہینے چیلنجاں بھریے ہن، اوکھے توں اوکھے مسلے حل کرݨ دی راہ ڳولی اے اتے اوکھ توں نکلݨ کیتے صلاح مشورے نال اتحادی حکومت چلائی اے، سابق دور اچ عوامی فلاح دے منصوبیاں کوں پچھونہا سٹیا ڳئے اتے اعلیٰ افسران کوں اوکھا کیتا ڳئے ٻھل ساݙی حکومت اچ ﷲ تعالیٰ پاکستان کوں ݙیوالہ تھیوݨ توں بچائے، سسٹم دیاں خرابیاں مکاوݨیاں ہوسن، یقین اے جو حالات ٻئے چنڳے تھیسن۔ اے ڳالھ انہاں وفاقی سیکرٹریز نال الوداعی ملاقات اچ الیندے آکھی۔ وزیراعظم آکھیا جو 16 مہینے سیاسی، معاشی و ٻئے چیلنجاں نال ٻھریے ہن، مخلوط حکومت کوں چلاوݨ وی چیلنج ہا ٻھل اساں ساریاں 13 اتحادی جماعتاں نال صلاح مشورے نال ٻہوں چنڳی تے اتفاق رائے نال مخلوط حکومت چلائی اے ڄیڑھی تاریخ دا حصہ ٻݨسی۔