اسلام آباد۔13اگست (اے پی پی):پاکستان اچ چینی سفاتخانہ آکھیے اتوار 13 اگست کوں بلوچستان دے علاقے گوادر دی بندرگاہ دے نیڑے چینی شہریاں کوں گھن ونڄݨ آلے قافلے تے حملہ کیتا ڳئے ایں واقعے اچ کوئی جانی ضیان کائنی تھیا متعلقہ اہلکاراں کوں مناسب طریقے نال حفاظت اچ رکھیا ڳئے ، چینی سفارتخانہ دہشت گردی دی ایں کارروائی دی مذمت کریندے ۔ کراچی اچ سفارت خانے اتے قونصلیٹ جنرل وختی طور تے ہنگامی ردعمل ݙیندے ہوئیں پاکستانی حکام توں حملے دی مکمل تحقیقات کرݨ ، قصورواراں کوں سخت سزا ݙیوݨ ایجھے واقعے کوں ول تھیوݨ توں روکݨ کیتے عملی تے موثر اقدامات کرݨ دی درخواست کیتی ۔ چین دہشت گردی دے خطرات نال مشترکہ طور تے مقابلہ کرݨ تے پاکستان اچ چینی اہلکاراں، اداریں اتے منصوبیں دی حفاظت کیتے پاکستان نال رل تے کم جاری رکھیسی۔ موجودہ سیکیورٹی صورتحال تے ، چینی سفارتخانہ پاکستان اچ چینی شہریاں کوں یار ݙویندے جو او تکڑے رہن تے حفاظتی خطرے دے خلاف احتیاط ورتن۔
