ملتان۔ 14 اگست (اے پی پی):جنوبی پنجاب اچ وی پاکستان دا76واں جشن آزادی جوش وخروش اتے ایں عہد نال منایا ڳئے جو پاکستان دے خلاف پروپیگنڈہ کرݨ آلے تے پاکستان دی سالمیت دے خلاف سازشاں کرݨ آلے غیر ملکی ایجنٹاں دے عزائم ناکام بݨاݙتے ویسن ۔ ݙینھ دا آغاز مسیتاں اچ دعائیہ تقریبات نال تھیا جیں دے بعد مختلف سرکاری عمارتاں اچ پرچم کشائی دی تقریبات منعقد تھیاں ۔ سیکرٹری سکول ایجوکیشن جنوبی پنجاب رانا سلیم احمد خان سکول ایجوکیشن سیکرٹریٹ ہسپتال اچ پرچم کشائی کیتی جݙاں جو لاہور ہائی کورٹ ملتان بنچ دی عمارت تے مسٹرجسٹس عابد حسین چٹھہ قومی پرچم لہرائے ایں توں علاوہ نشترہسپتال ،ضلع کچہری ملتان، بہاءالدین زکریایونیورسٹی اتے ٻئے تعلیمی تے سرکاری اداریں اچ وی پرچم کشائی دیاں تقریباں منعقد تھئن ۔ ایں موقع تے خطاب کریندے ہوئیں مقررین آکھیے 14 اگست دا ݙینھ اہل پاکستان کیتے خوشی اتے تشکر دا ݙینھ اے۔
