سرینگر۔ 15اگست (اے پی پی) کنٹرول لائن دے ݙوہیں پاسوں اتے پوری دنیا اچ رہݨ آلے کشمیریاں بھارت دا یوم آزادی یوم سیاہ دے طور منایا جئیں دا مقصد عالمی برادری کوں اے سنیھا ݙٰوݨ اے جو بھارت جموں تے کشمیر تے غیر قانونی قبضہ کیتا ہوئے۔ کشمیر میڈیا سروس موجب پوری دنیا اچ رہݨ آلے کشمیریاں مقبوضہ علاقے اچ جاری بھارتی ظلم آلے پاسے دنیا دی توجہ ݙواوݨ کیتے منگل کوں بھارت مخالف مظاہرے کیتے۔ کل جماعتی حریت کانفرنس دی قیادت آپݨے بیان اچ آکھیا جو بھارت کوں آپݨے غیر قانونی قبضے اچ جموں تے کشمیر اچ آپݨا یوم آزادی مناوݨ دا کوئی حق کائنی کیونجو اوں کشمیری عوام دی مرضی دے خلاف جموں تے کشمیر تے قبضہ کیتا ہوئے۔
