لاہور۔16اگست (اے پی پی) ترجمان پراونشل ڈیزاسٹر مینجمنٹ اتھارٹی پنجاب آکھیا جو دریائے ستلج اچ وچلے اتے اُچے درجے دے چھل آوݨ دا امکان اے۔ بدھ کوں جاری بیان اچ انہاں ݙسیا جو گزریل صرف چھی گھنٹیاں اچ دریا اچ پاݨی دی سطح 36560 کیوسک توں ودھ تے 55900 کیوسک تھی ڳئی اے۔ 17 توں 20 اگست وچال پاݨی دی سطح ہک لکھ کیوسک توں ودھݨ دا امکان اے۔ گنڈا سنگھ والادی ڄاہ تے پاݨی دا اخراج مسلسل ودھدا پئے جیڑھا جو ودھ سڳدے۔ ترجمان آکھیا جو بھارتی ڈیماں اچ پاݨی دی سطح ودھݨ پاروں پاکستان دی حدود متاثر تھیسی۔ بھارتی بکھرا ڈیم اتے پونگ ڈیم اچ پاݨی دی سطح خطرناک حد تئیں ودھ ڳئی اے۔ سارے محکمے عوام دی جان تے مال دے تحفظ کیتے الرٹ رہن۔ اداریاں کوں ایمرجنسی دی صورتحال بارے اطلاع ݙتی ڳئی اے۔
