لاہور ۔ 16 اگست (اے پی پی) بھارت اچ شیڈول ائی سی سی ورلڈ کرکٹ کپ 2023 کیتے ٹکٹاں دی رجسٹریشن شروع تھی ڳئی اے اتے ٹکٹ مرحلہ وار وکسن۔ ٹکٹاں وکݨ دا سلسلہ 25 اگست توں شروع تھیسی اتے پہلے مرحلے اچ بھارت دے سوا ٻئے میچاں دیاں ٹکٹاں ویچاں ویسن اتے شائقین ٻیاں ٹیماں دے میچاں دیاں ٹکٹاں ڳھن سڳسن۔ 30 اگست کوں بھارت دے میگا ایونٹ توں پہلے شیڈول 2 وارم اپ میچز دی ٹکٹ ویچے ویسن۔ 31 اگست کوں بھارت دے چنئی، دہلی اتے پونے اچ شیڈول مقابلیاں دی ٹکٹ ملسن۔ یکم ستمبر کوں دھرم شالا، لکھنئو اتے ممبئی دے میچز دی ٹکٹاں ملسن۔ 2 ستمبر کوں بنگلور اتے کولکتہ اچ شیڈول بھارتی میچز دے ٹکٹ ملسن۔ پاکستان دے خلاف میچ سودھا احمد آباد اچ بھارتی مقابلیاں دی ٹکٹ 3 ستمبر کوں ملسن۔ سیمی فائنلز اتے فائنل دے ٹکٹ 15 ستمبر کوں مل سڳسن۔ ایونٹ اچ ڈیجیٹل ٹکٹ استعمال نہ تھیسن۔ آن لائن رجسٹریشن دے باوجود فزیکل ٹکٹ ڳھنݨے ہوسن۔ایونٹ اچ پاکستان اتے بھارت دا روایتی ٹاکرا 14 اکتوبر کوں احمد آباد اچ تھیوݨے۔
