این ڈی ایم اے دی دریائے ستلج اچ اُتلے درجے دی چھل تے چتاوݨی

اسلام آباد۔18اگست(اے پی پی) نیشنل ڈیزاسٹرمینجمنٹ اتھارٹی (این ڈی ایم اے) دریائے ستلج اچ اُتلے درجے دی چھل پاروں پاݨی آلے علاقیں دی آبادی کوں وختی چتاوݨی تے انہاں کوں ٻاہر کڈھݨ کیتے ہدایات جاری کرݙتن۔ این ڈی ایم اے دی ساوݨ اپڈیٹ موجب گنڈا سنگھ والا دی جاہ تے دریائے ستلج اچ اُتلے درجے دا سیلاب اے ۔ سلیمانکی اچ دریائے ستلج اچ 19 اگست دی سویل6 وڄے توں اتلے درجے دی چھل آوݨ دا امکان اے جݙاں جو اسلام دی جاہ تے دریائے ستلج اچ 21 اگست توں چھل آوݨ دا امکان اے۔ این ڈی ایم اے اپݨی ایڈوائزری اچ آکھیے جو پنجاب پی ڈی ایم اے دریائے ستلج تے جی ایس آلا ، سلیمانکی اتے اسلام دے پاݨی آلے علاقیں دی آبادی کوں وختی چتاوݨی ݙیندے ہوئیں خطرے اچ آوݨ آلیاں جاہواں تے لوکاں دے انخلا کوں یقینی بݨاوݨ دی ہدایت کیتی اے تے آکھیے حساس علاقیں آلے پاسے ٹریفک دی نگرانی کیتی ونڄے ۔ ہنگامی صورت حال نال نبݨݨ کیتے مشینری وی تیار رکھی ونڄے لوکاں کوں ھک توں ٻئی جاہ پجاوݨ دا انتظام کیتا ونڄے۔