لاہور۔20اگست (اے پی پی) پراونشل ڈیزاسٹر مینجمنٹ اتھارٹی پنجاب دے مطابق دریائے ستلج اچ گنڈا سنگھ والا تے ٻہوں اُچے درجے دا چھل اے جڈانجو اتھ پاݨی دے بہاؤ کجھ ڳھٹ تھی ڳئے۔ آݙت وار کوں جاری رپورٹ اچ ترجمان ݙسیا جو گزریل چووی گھنٹیاں اچ گنڈا سنگھ والا دی ڄاہ تے پاݨی دا ٻہاؤ ݙو لکھ 78 ہزار کیوسک ہئی جیڑھا جو ڳھٹ تھی تے ݙولکھ 45 ہزار کیوسک تے آڳئے۔ گنڈا سنگھ والا تے پاݨی دی سطح 22.80فٹ اُچی اے۔ دریائے ستلج دا سیلابی ریلا ہݨ اڳوں ودھدا پئے۔ ہیڈ سلیمانکی تے اُچے درجے دا چھل اے جتھ پاݨی دا ٻہاؤ ہک لکھ 22 ہزار 687 کیوسک تئیں پڄ ڳئے۔
