ملتان۔ 22 اگست (اے پی پی) کمشنرملتان ڈویژن انجینئرعامرخٹک آکھیا جو ملتان ڈویژن اچ چھل دی صورتحال پاروں خیمہ وستیاں ٻݨا ݙتی ڳئن۔ چھل توں متاثر علاقیاں توں شہریاں اتے مال مویشی کوں کݙھݨ پہلی ترجیح اے۔ اے ڳالھیں انہاں ضلعیاں دی کارکردگی بارے جائزہ اجلاس دی صدارت کریندیں ہوئیں آکھی۔ انہاں آکھیا جو ڈویژن اچ ٻݨے ٹینٹ ویلیج اچ پوری سہولتاں ݙتی ڳئن۔ اجلاس اچ ایڈ یشنل کمشنر سرفراز احمد، اسسٹنٹ کمشنرزوڈیو لنک تے ڈپٹی کمشنراتے متعلقہ محکیاں دے افسر موجود ہن۔
