اسلام آباد۔22اگست(اے پی پی):سٹڈی سرکل ضلع بہاولپور ولوں ہک فکری نشست رکھی گئی جیندا موضوع پاکستان پیپلز پارٹی “ماضی حال اور مستقبل” ہا۔ نشست دی صدارت صدر سٹڈی سرکل ضلع بہاولپور وقار عزیز صدیقی کیتی۔ نشست دے مہمانان خصوصی محمد علی احسن ڈپٹی انفارمیشن سیکرٹری جنوبی پنجاب پی پی پی اتے ملک امتیاز کامران چنڑ صدر میٹروپولیٹن کارپوریشن بہاولپور ہن جڈاں جو مہمان اعزاز اچ پیٹر جان مٹو نائب صدر منیارٹی ونگ ساوتھ پنجاب، جاوید رضا ریمنڈ ایڈووکیٹ، صدر پی پی پی منیارٹی ضلع بہاولپور اتے سید احسن مصطفٰی ہن۔ دانشور ارشاد متین ایڈووکیٹ سینٹر نائب صدر سٹڈی سرکل ضلع بہاولپور ایں موضوع تے تفصیلی گالھ مہاڑ کیتی۔ شرکا اجلاس موضوع تے الایا۔ اجلاس دی نظامت سٹڈی سرکل دے ضلعی جنرل سیکرٹری حاجی ملک محمد ریاض کیتی۔ اجلاس اچ موضوع تے مرزا محمد جمیل نائب صدر سٹڈی سرکل ضلع بہاولپور ،جاوید رضا ریمنڈ ایڈووکیٹ،سید امجد بشیر ادب سرائے دے منتظم،مہر ناصر سیال ،پیٹر جان مٹو، آصف بھارا ایڈووکیٹ ،ملک عبدالقیوم،شاہ خضر حسن ،آصف فاروقی ،خواجہ محمد ولید ،سید احسن مصطفٰی، ملک امتیاز چنڑ اتے محمد علی احسن تفصیلی الایا۔ پاکستان پیپلز پارٹی دے امیدوار قومی اسمبلی حافظ حسین احمد مدنی اتے انٹرنیشنل اسلامی سکالر ممبر اسلامی نظریاتی کونسل ملک اللہ بخش کلیار وی شریک تھئے اتے موضوع تے ڳالھ مہاڑ کیتی۔ اجلاس اچ 3 قراردادں ڄیویں قیادت تے مکمل اعتماد، نگران حکومت اتے الیکشن کمیشن کوں نوے ݙینھ اچ انتخابات کراوݨ تے زور سودھا سانحہ جڑانوالہ دی مزمت کیتی ڳئی۔
