واشنگٹن۔25اگست(اے پی پی) سابق امریکی صدر ڈونلڈ ٹرمپ کوں 2020 دے صدارتی انتخابات اچ ریاست جارجیا دا نتیجہ بدالݨ دے الزام اچ گرفتار کرتے جیل بھیڄ ݙتا ڳئے جئیں توں بعد ڈونلڈ ٹرمپ جیل ونڄݨ آلے پہلے سابق امریکی صدر بݨ ڳئن ۔ جرمن نشریاتی ادارے موجب ریاست جارجیا دی فلٹن کاونٹی جیل اچ ’’مگ شاٹ‘‘ (بطور مجرم تصویر) گھنݨ دے بعد 2 لکھ ڈالر بطور مچلکہ جمع کراوݨ دے بعد سابق صدر کوں چھوڑ ݙتا ڳئے ۔ امریکا دی تاریخ اچ اے پہلا موقع اے جݙاں کہیں سابق صدر دی جیل اچ مجرماں وانڳوں تصویر بݨائی ڳئی اے ۔فلٹن کاونٹی جیل دی طرفوں جاری تفصیل موجب انہاں کوں قیدی نمبر پی او 1135809 نمبر ݙتا ڳئے ۔
