ایسوسی ایشن آف بلڈرز اینڈ ڈویلپرزدے نال فکسڈ ٹیکسیشن دے معاہدے نال قومی خزانے کوں 25ارب روپے دی ودھ آمدنی حاصل تھیسی،ایف بی آر حکام

اسلام آباد ۔ 24 مئی (اے پی پی) فیڈرل بورڈ آف ریونیو(ایف بی آر) اتے ایسوسی ایشن آف بلڈرز اینڈ ڈویلپرز آف پاکستان وچال فکسڈ ٹیکسیشن دے معاہدے نال قومی خزانے کوں 25ارب روپے دی ودھ آمدنی تھیسی۔ فکسڈ ٹیکس دے نفاذ دی تجویز کوں آندے بجٹ وچ شامل کیتاویسی۔ ایف بی آر حکام آکھیا جو آبد دے نال تھیونڑ آلی مفاہمت دے تحت بلڈرز اتے ڈویلپرزکوں ترائے کیٹیگریز وچ ونڈیا گیاہے اتے ہر کیٹیگری سانگے انجھ انجھ فکسڈ ٹیکس دی تجویز تے اتفاق رائے تھیاہے جیندے نال قومی خزانے کوں 25ارب روپے توں ودھ دی آمدن تھیسی۔