ملتان۔29اگست(اے پی پی)قومی کرکٹ ٹیم دے کپتان بابر اعظم آکھیے جو ملتان آتے چنڳاں لڳے، پورا ایشیا کپ پاکستان اچ تھیوݨ چاہیدا ہا۔ ملتان کرکٹ سٹیڈیم اچ پریس کانفرنس کریندے کپتان بابر اعظم آکھیا جو چھیکڑی واری ملتان اچ ٹیسٹ اتے ون ڈے ویسٹ انڈیز دے خلاف کھیݙیے ہاسے، افغانستان دے خلاف ٹیم طنڳان کھیݙی اے، کوشش ہوسی جو ایشیاء کپ وی چنڳاں کھیݙوں، کرکٹ اچ کہیں وی ٹیم کوں سوکھا نسے ڳھن سڳدے، ساݙے کولوں لوکاں دیاں توقعات ودھ ڳن جیکوں پورا کرݨ دی کوشش کریسوں۔ بابر اعظم آکھیا جو پورا ایشاء کپ پاکستان اچ تھیوݨا چاہیدا ہا ٻھل ہݨ ڄیڑھا شیڈول آئے اوندے کیتے بالکل تیار ہیں، کوچز کھلاڑیاں دی بہترین تیاری کرویندے پن، ایشیا کپ اچ بہترین کھݙ ݙکھاوݨ دی کوشش کریسوں۔ بابر اعظم آکھیا جو ایں ویلھے ٹیم ٻہوں بہترین لقدی پئی اے، ہݨ وی ورلڈ کپ کیتے ٻہوں ویلھا اے جیکر کوئی تبدیلی کرݨی پئی تاں ضرور کریسوں۔
