اقوام متحدہ۔6ستمبر(اے پی پی) اقوام متحدہ دی193 رکنی جنرل اسمبلی دا 78واں سیشن کیریبیئن ملک ٹرینیڈاڈ اینڈ ٹوباگو دی صدارت اچ شروع تھی ڳئے اتے پاکستان ایں موقع تے عالمی چیلنجز نال نبݨݨ سانڳے منصوبہ بندی دی لوڑھ تے زور ݙتے۔ ٹرینیڈاڈاینڈ ٹوباگو دے سفیر ڈینس فرانسس اپݨے افتتاحی خطاب اچ رکن ملکاں تے زور ݙتے جو او کمزور ترین ملکاں کوں بااختیار بݨا تے امن کوں ودھارا ݙیون تے تبدیلی اتے پائیداری سانڳے درکار وسائل کوں بروے کار گھن آتے مشترکہ خوشحالی ݙیندے ہوئیں جدت پسندی تے ٹیکنالوجی دے حامل ملکاں توں فیدہ چات تے ترقی کوں ودھاون ۔
