اسلام آباد۔7ستمبر(اے پی پی):پاکستان دے نوجوان فاسٹ بائولر نسیم شاہ ون ڈے کرکٹ اچ نویکلا ریکارڈ اپݨے ناویں کر ڳھدے۔ او اپݨے کیریئر دے سارے 13 ون ڈے میچاں اچ وکٹاں ڳھنݨ آلے پہلے پاکستانی بائولر ٻݨ ڳن۔ نوجوان فاسٹ بائولر ایشیا کپ اچ بنگلہ دیش دے خلاف سپر فور مرحلے دے میچ اچ شاندار کارکردگی ݙکھا تے 3 اہم وکٹاں ڳھدن اتے ون ڈے میچاں اچ پاکستان کیتے اہم کامیابی ڳھدی اے۔ نسیم شاہ اپݨے پہلے 13 ون ڈے انٹرنیشنل میچاں اچ سب توں ودھ 32 وکٹاں ڳھن تے ریکارڈ بک اچ اپݨا ناں لکھوائے۔ ایں توں پہلے اے ریکارڈ لیجنڈری کرکٹر عبدالقادر کولو ہا جنہاں پہلے 13 ون ڈے میچاں اچ 27 وکٹاں ڳھدیاں ہن۔
