اسلام آباد۔7ستمبر(اے پی پی):انٹرنیشنل کرکٹ کونسل (آئی سی سی) اگست 2023 کے پلیئر آف دی منتھ دیاں نامزدگیاں دا اعلان کر ݙتے۔ پلیئر آف دی منتھ دی فہرست اچ مینز کرکٹ توں قومی ٹیم دے کپتان بابراعظم اتے نائب کپتان شاداب خان دے علاوہ ویسٹ انڈیز دے نکولس پورن اگست 2023 دے بہترین پلیئرز دی فہرست اچ شامل ہین۔ کپتان بابراعظم کوں ایشیا کپ اچ نیپال دے خلاف شاندار 151 رنز دی اننگز کھیݙݨ ڄݙاں جو افغانستان دے خلاف پاکستان کوں 0-3 توں جتواوݨ کیتے اہم کردار ادا کرݨ تے ٹاپ تھری اچ پاتے۔ لیگ سپنر اتے نائب کپتان شاداب خان کوں پہلی واری پلیئر آف دی منتھ ایوارڈز اچ نامزد کیتے۔
