اسلام آباد۔12ستمبر(اے پی پی) کرغزستان دے ممبر پارلیمنٹ اتے پاکستان دے دورے تے آئے وفد دے سربراہ ڈاکٹر زومالیف پاکستانی تاجراں کوں شراکت داری، سرمایہ کاری اتے مشترکہ منصوبیں دے رستے ڳولݨ کیتے آپݨے ملک دورے دی دعوت ݙتی اے ۔ اے ڳالھ انہاں منڳل کوں آپݨے دورے دے چھیکڑی مرحلے اچ اتھاں کرغزستان ٹریڈ ہائوس دے چیئرمین مہر کاشف یونس دے زیر اہتمام تاجر برادری نال ڳالھ مہاڑ کریندے ہوئیں آکھی ۔ وفد دی ڈپٹی لیڈر محترمہ روزا امانونوا اتے ٻئے ارکان وی موجود ملاقات اچ موجود ہن ۔ انہاں آکھیے کرغزستان صحت، تجارت، صنعت اتے مینوفیکچرنگ دے شعبیں اچ چںڳے موقع ݙیندے۔ ݙوہیں ملکاں دے تجارتی تعلقات کوں ٻیا تکڑا بݨایا ونڄ سڳدے جیں توں ݙوہیں ملکاں کوں معاشی طور تے وی فیدہ تھیسی ۔
