دبئی۔12ستمبر(اے پی پی)پاکستان کرکٹ ٹیم دے کپتان بابراعظم ون ڈے کرکت اچ آئی سی سی پلیئر آف دی منتھ ایوارڈ تریجھی واری اپݨے ناویں کر ڳھدے۔ انٹرنیشنل کرکٹ کونسل (آئی سی سی) اگست کیتے بہترین پرفارمنس آلے کرکٹر دا اعلان کیتے جیندے کیتے پاکستان ٹیم دے کپتان بابراعظم، نائب کپتان شاداب خان اتے ویسٹ انڈین کرکٹر نکولس پورن نامزد ہن۔ ایوارڈ ملݨ تے بابر خوش تھیندے آکھیے جو پچھلا مہینہ ساݙی ٹیم کیتے ٻہوں غیر معمولی رہے، اساں بہترین کھیݙ پیش کیتے اتے ٻہوں دیر بعد ایشیا کپ دے میچز پاکستان اچ تھین۔ انہاں آکھیے جو ایشیا کپ اچ اپݨے ملک دے شائقین دے اڳو کھیݙ تے ٻہوں چنڳاں لڳیے۔
