اقوام متحدہ۔14ستمبر(اے پی پی) اقوام متحدہ دے سیکرٹری جنرل انتونیو گوتریش آکھیے یواین ہیڈکوارٹرنیویارک توں کہیں ݙوجھے شہر منتقل کرݨ دا کوئی امکان کائنی ۔ روسی خبر رساں ادارے موجب انہاں توں سوال کیتا ڳئے جو ہیڈکوارٹر کوں دنیا دے مہانگے شہر اچوں منتقل کرݨ نال لکھاں ڈالر دی بچت تھیسی جیڑھی ضرورت منداں کوں عطیہ کیتی ونڄ سڳدی اے جیں تے انہاں آکھیے نیویارک اچ عالمی ادارے دے ہیڈ کوارٹر دا فیصلہ رکن ملکاں 1945 دی کانفرنس اچ سان فرانسسکو اچ کیتا ہئی تے انہاں کوں لڳدے جو ایں حوالے نال چارٹر کوں بدالݨ دا کوئی چانس کائنی ۔
