لیہ ۔17ستمبر(اے پی پی) لیہ اچ ٹریکٹر ٹرالی کوں حادثے پاروں 2 مزدور مر ڳن اتے 5 پھٹوڑی تھی ڳن۔ ݙسایا ڳئے جو اے حادثہ لیہ اچ پوری چیک پوسٹ دے نیڑے تعمیراتی سمان نال بھری ٹریکٹر ٹرالی دے پتریڄݨ نال تھئے جیندے ڈرائیور کوں نندر آڳئی ہئی اتے ٹریکٹر ٹرالی ہیٹھ آ تے شٹرنگ دے سامان تے ستے 2 مزدور موئن اتے 5 زخمی تھی ڳن۔ موݨ آلیاں دی سنڄاݨ 18 سالہ عدنان اتے 34 سالہ فاروق دے ناواں نال تھئی اے ڄݙاں جو 5 زخمیاں اچ طارق، ایوب، رفاقت، وسیم اتے کاظم شامل ہی۔۔ سارے مزدور ضلع بھکر دے رہݨ آلے ہن۔ مرݨ آلیاں دی میتاں اتے زخمیاں کوں تحصیل ہسپتال چوبارہ پچا ݙتا ڳئے۔
