کولمبو۔17ستمبر (اے پی پی) بھارت سری لنکا کوں تاریخی شکست ݙے تے اٹھویں واری ایشیا کپ جت ڳئے۔ سری لنکا دے شہر کولمبو اچ پریما داسا سٹیڈیم اچ تھیوݨ آلے ایشیا کپ دے فائنل میچ اچ ٻھارت میزبان سری لنکا کوں آئوٹ کلاس کر ݙتے اتے ݙاہ وکٹاں توں ہرا تے ٹائٹل جیت ڳھدے۔ سری لنکا دی ٹیم ٹاس جیت پہلے کھیݙدے ہوئے 15.2 اوورز اچ صرف 50 سکور ٻݨا تے آل آئوٹ تھی ڳئی۔ بھارت ولوں محمد سراج تباہ کن بائولنگ کیتی اتے 7 اووراں اچ 21 رنز ݙے تے 6 کھلاری پویلین ٻھیڄن۔ سری لنکا دے 5 کھلاڑی بغیر کوئی رن ٻݨائے آئوٹ تھین۔ بھارت ولوں محمد سراج 6، ہردیک پانݙیا 3 اتے جسپریت بمرا ہک وکٹ ڳھدی۔ فائنل میچ بالکل یکطرفہ رہے اتے ولدے اچ بھارت بغیر کہیں وکٹ ونڄائے ستویں اوور اچ ہدف پورا کر ڳھدے اتے ٹائٹل اٹھویں واری اپݨے ناویں کیتے۔ بھارتی اوپنر شبھمان گل 27 اتے ایشان کشن 23 رنز ٻݨا تے ناٹ آئوٹ رہین۔ محمد سراج میچ اتے کلدیپ یادیو ٹورنامنٹ دے بہترین کھلاڑی ٻݨین۔
