بیجنگ ۔19ستمبر (اے پی پی) چینی وزارت خارجہ دی ترجمان ماؤ نینگ یومیہ پریس کانفرنس اچ آکھیا جو تریجھا “بیلٹ اینڈ روڈ” فورم برائے بین الاقوامی تعاون ایں سال اکتوبر اچ بیجنگ اچ تھیسی جئیں اچ ہݨ تئیں 110 توں ودھ لکاں دے نمائندے شریک تھیوݨ دی تصدیق کیتی اے۔ منگل کوں ترجمان آکھیا جو فورم اچ تھیوݨ آلی سرگرمیاں اچ افتتاحی تقریب، آپسی رابطہ، سبز ترقی اتے ڈیجیٹل معیشت تے ترائے اعلیٰ سطحی فورمز دے علاوہ ہموار تجارت، عوامی روابط، تھنک ٹینک دے تبادلے، صاف شاہراہ ریشم، مقامی تعاون اتے سمندری تعاون تے چھی موضوعاتی فورم شامل ہوسن۔ ایندے علاوہ صنعت کاراں دی ہک کانفرنس وی کیتی ویسی۔ چینی میڈیا ݙسیا جو فورم اچ ٻے ملکاں وانڳ پاکستان دا وی ہک وݙا وفد شریک تھیسی۔
