ریاض ،دبئی ۔20ستمبر (اے پی پی) سعودی عرب ،متحدہ عرب امارات،مصر، یمن اتے اردن یہودی انتہا پسنداں دے مسجد اقصیٰ تے دھاوے دی مذمت کیتی اے۔ سعودی خبررسا ں ادارے موجب متحدہ عرب امارات دی وزارت خارجہ جاری بیان اچ آکھیا جو مقبوضہ بیت المقدس اچ مقدس جہیں کوں پورا تحفظ ݙتا ونڄے۔ متحدہ عرب امارات مقبوضہ بیت المقدس اچ تھیوم آلی سنگین خلاف ورزیاں کوں روکݨ دا مطالبہ کیتے۔ اماراتی وزارت خارجہ اسرائیلی حکام تے زور ݙتا جو او کشیدگی کوں روکن اتے خطے اچ عدم استحکام کوں ودھارا نہ ݙیون۔ سعودی عرب وی بیان اچ اسرائیلی قابض افواج دے حفاظتی حصار اچ انتہاپسنداں یہودیاں دے ہک گروپ دے مسجد اقصیٰ تے دھاوے دی مذمت کیتی اے۔ مصر، یمن اتے اردن وی انتہا پسند یہودیاں دی مسجد اقصیٰ اچ دراندازی دی مذمت کیتی اے۔
