اسلام آباد۔22ستمبر (اے پی پی) صدر مملکت ڈاکٹر عارف علوی دا چترال حملے اچ شہید تھیوݨ آلے پاک فوج دے جواناں دے ورثا نال ٹیلی فون تے تعزیت کیتی اے۔ ایوان صدر دے پریس ونگ توں جمعے کوں جاری بیان موجب صدر مملکت 6 ستمبر کوں اوستئی پوسٹ کالاش ایریا اتے جنگریٹ کوہ چترال اچ حملے اچ شہید تھیوݨ آلے پاک فوج دے جواناں دے ورثا نال ٹیلی فون تے تعزیت کریندیں ہوئیں وطن کیتے قربانی تے شہداء اتے انہاں دے ٹٻراں دا قوم ولوں شکریہ اد کیتا۔ صدرمملکت لانس نائیک ذوالفقار علی اتے سپاہی شہزادہ اورنگزیب دے ورثا نال فون تے افسوس کیتا۔ ڈاکٹر عارف علوی لانس نائیک شیر نواز اتے لانس نائیک شاکر اللہ دے لواحقین نال وی رابطہ کیتا۔ صدرمملکت شہیداں دے درجات دی بلندی دی دعا کیتی۔
