نئی دہلی ۔28ستمبر (اے پی پی) انٹرنیشنل کرکٹ کونسل ولوں 13 ویں آئی سی سی مینزون ڈے کرکٹ ورلڈ کپ توں پہلے آئی سی سی مینز ورلڈ کپ دا وارم اپ راؤنڈ کل توں شروع تھیسی۔ 13ویں آئی سی سی مینز ورلڈ کپ کرکٹ ٹورنامنٹ آندے مہینے پنج اکتوبر توں شروع تھیسی جئیں دے سارے میچ ڈے اینڈ نائٹ ہوسن۔ میگا ایونٹ توں پہلے وارم اپ راؤنڈ اچ ہر ٹیم ݙو ݙو وارم اپ میچ کھیݙسی۔ وارم اپ راؤنڈ اچ کل جمعے کوں ترائے میچ کھیݙیے ویسن۔ پہلا وارم اپ میچ بنگلہ دیش اتے سری لنکا دی ٹیماں وچال گوہائی اچ کھݙٰیا ویسی۔ ݙوجھے وارم اپ میچ اچ جنوبی افریقا اتے افغانستان دی ٹیماں کھیݙسن۔ تریجھے میچ اچ پاکستان اتے نیوزی لینڈ دی ٹیماں حیدرآباد اچ کھیݙسن۔ پاکستان آپما ݙوجھا وارم اپ میچ آسٹریلیا دے خلاف ترائے اکتوبر کوں ایں ڄاہ تے کھیݙسی۔
