اقوام متحدہ۔28ستمبر (اے پی پی) اقوام متحدہ دی جنرل اسمبلی دا غیر رسمی اجلاس،پاکستان اچ چھل دی تباہی نال نبڑݨ کیتے حکومت اتے عوام نال یکجہتی دا اظہار کیتے۔ اقوام متحدہ دی جنرل اسمبلی دا ہک غیر رسمی اجلاس تھیا جئیں اچ ایں بارے گزریل سال منظور کیتی ڳئی قرارداد تے عملدرآمد دا جائزہ ڳھدا ڳیا جئیں اچ عالمی برادری توں امداد ودھاوݨ اتے ملک دی طویل مدتی بحالی کیتے سیاسی عزم کوں برقرار رکھݨ دا مطالبہ کیتا ڳیا ہئی۔ اجلاس اچ اقوام متحدہ دے سیکرٹری جنرل انتونیو گوترش ، اہم ملکاں دے نمائندے گزریل ݙینھ پاکستان دی حمایت کیتی۔ ایں موقع تے اقوام متحدہ دے سیکرٹری جنرل آکھیا جو گزریل سال چھل پاروں پاکستان دا ہک تہائی رقبہ پاݨی تلوں آڳیا ہئی۔ متاثرہ علاقیاں دی بحالی کیتے پاکستان دی لوڑھ اونویں اے۔ پاکستان اچ ایں چھل اچ ترائے کروڑ 30 لکھ بندے متاثر تھیے ہن۔ 1700 توں ودھ جاں بحق اتے تقریباً 80 لکھ بے گھر تھیے ہن جئیں اچوں ہݨ وی کئی خیمیاں اچ رہندے پئن۔ اجلاس توں خطاب کریندیں ہوئیں اقوام متحدہ دے سیکرٹری جنرل آکھیا جو اڄ اساں پاکستان دی عوام کیتے کٹھے تھیسے۔ پاکستان اچ چھل دی تباہی نال نبڑݨ کیتے حکومت اتے عوام نال یکجہتی دا اظہارکیتا ڳئیا۔
