ریاض ۔2اکتوبر (اے پی پی):سعودی عرب سویڈن اچ قرآن مجید دی بے حرمتی دے واقعہ دی مذمت کیتی اے ۔ سعودی ذرائع ابلاغ موجب سعودی وزارت خارجہ واقعے دی مذمت کریندے ہوئیں آکھیے سویڈن حکومت دی طرفوں انتہا پسنداں کوں قرآن مجید دی بے حرمتی دی اجازت ݙیوݨ افسوسناک اے۔وزارت خارجہ آکھیے ٻہوں سارے یورپی ملکاں اچ ایہو جیہے واقعات توں پوری دنیا دے مسلماناں دے جذبات مجروح تھئن ۔وزارت خارجہ سویڈن حکومت توں مطالبہ کیتے جو او اشتعال، نفرت اتے تفرقہ پیدا کرݨ آلے ایہو سویں واقعات کوں روکیندے ہوئیں انتہا پسنداں کوں اجازت نامے جاری نہ کرے۔
