اسلام آباد۔2اکتوبر(اے پی پی سرائیکی نیوز):یونس ایمرے انسٹی ٹیوٹ تے علامہ اقبال اوپن یونیورسٹی دے اہتمام نال اڄ کتاب ‘ ہم نے جو بھلا دیا’ دی تقریب گھنڈ کھلائی تھئی ۔ ایں موقع تے وفاقی وزیر اطلاعات مرتضیٰ سولنگی توں علاوہ استاذ الاساتذہ پروفیسر فتح محمد ملک ، خورشید ندیم ، محمد حمید شاہد ، ڈاکٹر یوسف خشک، وائس چانسلر ڈاکٹر ناصر محمود ، جبار مرزا، ڈاکٹر کشور سلطانہ ، ڈاکٹر عبد الباسط مجاہد اتے علامہ عبد الستار عاصم خطاب کیتا۔ تقریب اچ ممتاز دانش وراں تے عمائدین شرکت کیتی۔ تقریب دی کامیابی سانڳے ڈین شعبہ آرٹس ڈاکٹر عبد العزیز ساحر ، ڈاکٹر زاہد محمود، ڈاکٹر خلیل طوقار اتے شعبہ تاریخ ٻہوں محنت کیتی جیں تے مصنف نے دلوں شکریہ ادا کیتا ۔تقریب اچ صحافیاں دی وݙی تعداد شرکت کیتی ۔
