اقوام متحدہ۔3اکتوبر(اے پی پی):پاکستان جموں و کشمیر تے بھارت دے قبضے کوں جدید دور دے نوآبادیاتی نظام دا بدترین مظہر قرار ݙیندے ہوئیں اقوام متحدہ توں مطالبہ کیتے جو او سلامتی کونسل دیاں قرارداداں تے کشمیری عوام دی خواہشات دے مطابق لمبی مدت توں حل تھیوݨ آلے کشمیر دے جھیڑے دے پرامن حل تے زور ݙیوے ۔ اقوام متحدہ اچ پاکستان دے مستقل مندوب منیر اکرم جنرل اسمبلی دی سپیشل پولیٹیکل اینڈ تے ڈی کالونائزیشن (چوتھی) کمیٹی کوں ݙسایا جو 1946 دے بعد توں 80 سابق کالونیاں آزادی حاصل کیتی اے لیکن ہݨ وی ایجھے لوک موجود ہن جنہاں کوں حق خود ارادیت توں محروم رکھیا ڳئے جنہاں اچ ساریں توں نمایاں طور تے بھارت دے غیر قانونی زیر تسلط جموں و کشمیر تے فلسطین دے لوگ شامل ہن۔ انہاں آکھیے کشمیری عوام دے حق خود ارادیت کوں اقوام متحدہ دی سلامتی کونسل دی قرارداد 47 اتے ایندے بعد دی ٻہوں ساریاں قرارداداں اچ واضح طور تے منیا ڳئے جنھاں اچ آکھیا ڳئے جو ریاست جموں و کشمیر دے مستقبل دا حتمی فیصلہ اقوام متحدہ دی سرپرستی اچ آزادانہ تے شفاف استصواب رائے دے ذریعے ایندے عوام کریسن ۔
