اقوام متحدہ ۔4اکتوبر(اے پی پی):پاکستان پوری دنیا اچ کھنڈی دہشت گردی کوں مکاوݨ کیتے فلسطین اتے کشمیر جیہے وݙی مد توں حل تھیوݨ آلے جیڑھے کوں مکاوݨ تے اتھاں دے رہݨ آلیں کوں کوں حق خودارادیت ݙیوݨ تے زور ݙتے۔اقوام متحدہ اچ پاکستان دے مستقل مندوب منیر اکرم جنرل اسمبلی دی قانونی (چھیویں) کمیٹی کوں “بین الاقوامی دہشت گردی مکاوݨ دے اقدامات”تے بحث اچ ݙسائے جو دہشت گردی کوں جامع طور تے شکست ݙیوݨ کیتے اساکوں نہ صرف ایندی علامات بلکہ ایندی بنیادی وجوہات کوں وی حل کرݨا چاہیدے۔انہاں اپݨے تبصرے اچ دہشت گردی دے ابھردے ہوئے رجحان بارے ڳالھ کیتی تے ایں لعنت نال نبݨݨ کیتے ھک جامع کنونشن تیار کرݨ دی لوڑھ تے زور ݙتے ۔ انہاں آکھیے جو جامع کنونشن اچ دہشت گردی دی کہیں وی تعریف کوں سامݨے رکھݨا چاہیدے تے نویں ابھردے ہوئے خطرے بشمول سفید فام بالادستی دی پرتشدد کارروائیاں، سڄے ہتھ ، پرتشدد قوم پرست، زینو فوبک، اسلامو فوبک، دنیا دے مختلف حصیں اچ مسلم مخالف نظریات تے ہندوتوا گروپ کوݨ وہ سامݨے رکھݨا چاہیدے ۔ پاکستانی مندوب آکھیے کنونشن کوں دہشت گردی دیاں کارروائیاں تے حق خود ارادیت اتے قومی آزادی سانڳے غیر ملکی اتے استعماری قبضے دے تحت لوکاں دی جائز جدوجہد وچال واضح طور تے فرق کرݨا چاہیدے۔
