اسلام آباد۔4اکتوبر (اے پی پی) اسلامی تعاون تنظیم (او آئی سی) دے جنرل سیکرٹریٹ اسرائیلی قابض فوج ولوں مسجد اقصیٰ تے دھاوا بولݨ اتے نمازیاں تے وحشیانہ حملے دے نال نال وݙی تعداد اچ انہاں دی گرفتاری دی مذمت کیتی اے۔ بدھ کوں اسلامی تعاون تنظیم ہک بیان اچ الخلیل (ہبرون) شہر اچ مسجد الابراہیمی کوں بند کرݨ دی وی مذمت کیتی اے۔ بیان اچ آکھیا ڳئیا جو او آئی سی دا جنرل سیکرٹریٹ اینکوں اسرائیل ولوں مقدس جہیں دے تقدس اتے عبادت دی آزادی دی مسلسل خلاف ورزیاں اتے جنیوا کنونشنز اتے بین الاقوامی قانون دی صریح خلاف ورزی منیندے۔ او آئی سی عالمی برادری توں مطالبہ کیتا جو او مقبوضہ شہر القدس اچ اسلامی اتے عیسائی مقدس جہیں دی تاریخی اتے قانونی حیثیت دی تحفظ کوں یقینی ٻݨاوے ۔
