احمد آ باد۔4اکتوبر (اے پی پی) پاکستان کرکٹ ٹیم دے کپتان بابر اعظم آکھیا جو ورلڈ کپ کیتے ٹیم دی تیاری چنڳی اے، جتݨ دے عزم نال میدان اچ لہسوں۔ بدھ کوں احمد آباد اچ میڈیا نال ڳالھ مہاڑ کریندیں ہوئیں انہاں آکھیا جو ورلڈکپ توں پہلے ݙوہیں وارم اپ میچاں نال چنڳی پریکٹس تھئی اے۔ میگاایونٹ اچ کہیں ٹیم کوں سوکھا نی ڳھن سڳدے۔ ہر میچ اچ پہلی بال توں جت دی امید نال میدان اچ لہسوں۔ نیدرلینڈ دے خلاف ورلڈ کپ دے ابتدائی میچ بارے ڳالھ کریندیں ہوئیں انہاں آکھیا جو نیدر لینڈ دی ٹیم کوالیفائنگ راؤنڈ اچ چنڳی کرکٹ کھیݙ تے آئی اے۔ انہاں کوں ورلڈکپ کھیݙݨ تے مبارخ ݙیندوں او ہک چنڳی ٹیم اے۔
