رحیم یارخان ۔ 07 اکتوبر (اے پی پی):ڈائریکٹر کیمپس رحیم یارخان ڈاکٹر حافظ اطہر علی اپݨے وضاحتی بیان اچ آکھیے اسلامیہ یونیورسٹی بہاولپور اپݨے طالب علماں کوں سہولت ݙیوݨ کیتے ݙینھ رات کوشاں اے ۔ اڄوکے مالی دٻاؤ دے باوجود اسلامیہ یونیورسٹی آپ طالب علماں کیتے بس سروس جاری رکھی ، بے حد مالی مشکلات دے باوجود شہر دے اندر چلݨ آلی بس سروس ھک ݙینھ کیتے وی بند نی کیتی ، مگر بساں دی ضروری مرمت اتے خرچے کنٹرول کرݨ سانڳے ݙوجھے شہراں کوں ونڄݨ آلیاں بساں دی تعداد اچ ھک ہفتے کیتے معمولی کمی کیتی ڳئی ہئی تے انہاں طالب علماں دے احتجاج توں پہلے ہی یونیورسٹی دے ریگولر استاد، طالبیں تے ضلعی انتظامیہ کوں بساں دی بحالی دا شیڈول اتے مرمت دیاں تصویراں تے تفصیل بارے ݙسا چکیا ہئی ۔
