ریاض ۔9اکتوبر (اے پی پی) سعودی وزیر خارجہ شہزادہ فیصل بن فرحان حماس ولوں اسرائیل تے اچاچیت حملے دے بعد تشدد دے ودھارے کوں ختم کرݨ تے زور ݙتے۔ عرب نیوز موجب بیان اچ آکھیا ڳئیا جو سعودی عرب سارے فریقین تے زور ݙتے جو او بین الاقوامی قانون دا احترام کرن۔ سعودی وزیر خارجہ شہزادہ فیصل بن فرحان نال امریکی وزیر خارجہ انٹونی بلنکن چووی گھنٹیاں اچ ݙوجھی واری ٹیلی فون تے رابطہ کیتے۔ ݙوہیں وزرائے خارجہ غزہ اتے اوندے آسے پاسوں جاری فوجی کشیدگی دے خطرے اتے کشیدگی ڳھٹ کرݨ کیتے ضروری طریقے ڳولݨ دی کوششاں دی لوڑھ تے زور ݙتا۔ ایں توں علاوہ شہزادہ فیصل بن فرحان نال فرانس اتے ہالینڈ دی وزرائے خارجہ وی آݙت وار کوں ٹیلی فون تے رابطہ کیتے۔
