قاہرہ ۔10اکتوبر (اے پی پی) فلسطینی حکومت آکھیا جو مارکیٹ اچ اڄوکی خوراک دا ذخیرہ اٹھ مہینے توں ہک سال تئیں کیتے ٻہوں اے۔ روسی خبر رساں ادارے دی رپورٹ موجب فلسطینی وزارت اقتصادیات دے ترجمان ابراہیم القادی ہک بیان اچ فلسطینی شہریاں توں اپیل کیتی اے جو او عام حالات اچ لوڑھ توں ودھ سامان نہ ڳھنن۔ مان نیوز ایجنسی القادی بارے ݙسیا جو فلسطینی مارکیٹ اچ اڄوکی خوراک دا ذخیرہ آندے اٹھ مہینے کیتے ٻہوں اے اتے ڈبہ بند خوراک ہک سال توں ودھ کیتے ٻہوں اے۔
