ریاض۔10اکتوبر (اے پی پی) سعودی عرب آکھیا جو انہاں دا ملک فلسطینی عوام دے حقوق کیتے انہاں نال کھڑے۔ سعودی خبر رساں ادارے موجب سعودی ولی عہد شہزادہ محمد بن سلمان فلسطینی صدر محمود عباس نال ٹیلی فونک ڳالھ مہاڑ اچ غزہ اچ فوجی کشیدگی، خطے دی سلامتی اتے استحکام تے ڳالھ کیتی۔ انہاں زور ݙتا جو سعودی عرب فلسطینی قوم دی امنگاں اتے مطالبیاں کیتے ہک مںصفانہ اتے جامع امن تئیں پڄاوݨ کیتے انہاں نال کھڑے۔ ایں توں پہلے انہاں مصری صدر عبدالفتاح السیسی نال غزہ اچ کشیدگی کوں روکݨ کیتے کوششاں تکھی کرݨ دی لوڑھ تے اتفاق کیتا۔
