مقبوضہ بیت المقدس ۔11اکتوبر(اے پی پی)فلسطین تحریک مزاحمت حماس دی کارروائیاں اچ ہݨ تئیں 1,200 توں ودھ اسرائیلی ہلاک تھی چکئن ۔روسی خبررساں ادارے موجب اسرائیل دے سابق فوجی ترجمان جوناتھن کونریکس سماجی رابطیں دی ویب سائٹ تے اسرائیلی ڈیفنس فورسز دے اکاؤنٹ تے پوسٹ کیتی ڳئی وڈیو اچ آکھیا ڳئے جو اسرائیل تے حماس دے حملیں دے نتیجے اچ 1,200 اسرائیلی ہلاک اتے 1,200 توں ودھ زخمی تھئن ۔انہاں ݙسائے جو حماس اپݨے حملے کوں مقبوضہ بیت المقدس اچ مسجد اقصیٰ دے خلاف اسرائیلی کارروائیاں دا جواب قرار ݙتے۔انہاں مزید ݙسائے جو اسرائیل غزہ دی پٹی دا مکمل محاصرہ کر ڳھدے تے مغربی کنارے اچ جھڑپاں جاری ہن اتے لبنان نال سرحد تے توپ خانے نال فائرنگ دا تبادلہ وی تھئے۔
