لاہور۔13اکتوبر(اے پی پی) آئی سی سی ورلڈ کپ دے جیں میچ دا دنیا بے چینی نال انتظار کریندی اے او کل ہفتے کوں کھیݙیا ویسی ۔ پوری دنیا اچ موجود شائقین دیاں نظراں پاکستان بھارت میچ تے لڳیاں پئن جیڑھا جو احمد آباد دے نریندرا مودی اسٹیڈیم اچ تھیوݨ آلا اے جئیں اچ پاکستان جتݨ سانڳے پرعزم اے ۔اے ݙاہ سال دے وݙے عرصے بعد ݙوہیں ٹیماں وچال بھارتی سرزمین تے کھیݙیا ونجݨ آلا پہلا ون ڈے انٹرنیشنل اے۔ چھیکڑی واری پاکستانی ٹیم انڈیا اچ ݙو طرفہ ون ڈے سیریز ݙو ھک نال جتی ہئی ۔ایں ورلڈ کپ اچ ݙوہیں ٹیماں آپݨے ابتدائی ݙوہیں میچ جتݨ دے بعد ھک ݙوجھے دے سامݨے آندیاں پئن ۔ بھارت آسٹریلیا تے افغانستان کوں ہرائے جݙاں جو پاکستان حیدرآباد اچ ہالینڈ اتے سری لنکا کوں ہرائے۔
