ریاض۔14اکتوبر (اے پی پی) سعودی عرب غزہ توں فلسطینی عوام دی جبری بے دخلی دے اسرائیل دے مطالبے کوں مسترد اتے نہتے شہریاں تے مسلسل حملیاں دی مذمت کیتی اے۔ العربیہ موجب سعودی دفتر خارجہ جاری بیان اچ آکھیا جو سعودی عرب ہک واری ولا عالمی برادری توں مطالبہ کریندے جو او شہریاں دے خلاف ہر طرح دے عسکری تشدد کوں بند کراوݨ، انسانی المیہ تھیوݨ توں روکݨ اتے غزہ دے باشندیاں کوں دوائیں اتے امدادی سامان ݙیوݨ بارے کم کرے۔ سعودی دفتر خارجہ آکھیا جو غزہ دے باشندیاں کوں پروقار زندگی دے بنیادی تقاضیاں توں محروم کرݨ بین الاقوامی انسانی قانون دی خلاف ورزی اے۔ سعودی عرب مطالبہ کیتا جو غزہ دی ناکہ بندی ختم کیتی ونڄے۔
