رام اللہ ۔23اکتوبر (اے پی پی) فلسطین دے وزیر اعظم محمد اشتيہ بین الاقوامی برادری توں غزہ دی پٹی تے اسرائیلی حملیاں کوں روکݨ کیتے متحدد محاذ ٻݨاوݨ دا مطالبہ کیتے۔ برطانوی خبر رساں ادارے موجب فلسطینی وزیر اعظم 25 سفیراں، غیر ملکی نمائندے اتے قونصلاں نال ہک ملاقات اچ آکھیا جو اساں اسرائیلی جارحیت روکݨ اتے وݙی انسانی تباہی توں بچݨ کیتے ضروری امداد کوں پہلی ترجیح ݙیندوں۔ انہاں آکھیا جو اساں عالمی برادری توں مطالبہ کریندوں جو او غزہ دی پٹہ تے اسرائیلی حملیاں کوں روکݨ کیتے متحدہ محاذ ٻݨاوے تانجو انساناں کوں ٻئی تباہی توں بچایا ونڄے۔
