کراچی۔30اکتوبر (اے پی پی) صدر مملکت ڈاکٹر عارف علوی ملک دے پسماندہ علاقیاں اچ صحت دی سہولتاں تئیں رسائی ودھاوݨ کیتے ٹیلی میڈیسن اتے ٹیلی ہیلتھ کیئر پلیٹ فارمز کوں فروغ ݙیوݨ دی لوڑھ تے زور ݙیندیں ہوئین آکھیا جو ڈیجیٹل پلیٹ فارمز لوکاں کوں صحت بارے ویلھے تے مشورے ݙیوݨ دے علاوہ پرے دے علاقیاں تئیں صحت دی خدمات دی رسائی کوں ودھاوݨ اچ مدد ݙے سڳدن۔ صدرمملکت اے ڳالھیں کراچی اچ صحت کہانی ولوں “تریمتیں ڈاکٹراں دی انٹرپرینیورشپ اتے میڈیکل لیڈرشپ ” دے عنوان نال تھیوݨ آلی تقریب توں خطاب کریندیں ہوئیں آکھی۔ صحت کہانی دی سی ای او سارہ سعید خرم، صحت کہانی دی سی او او اتے شریک بانی ڈاکٹر عفت ظفر اتے ٹیلی ہیلتھ کیئر سروسز دے شعبے اچ کم کرݨ آلے ٻئے طبی ماہرین تقریب اچ شریک تھئیے۔
