غزہ ۔31اکتوبر (اے پی پی) حماس دے رہنما غازی حمد آکھیا جو غزہ اچ اسرائیلی حملیاں اچ شہید تھیوݨ آلیاں اچ ودھ تعداد تریمتیں اتے ٻالاں دی اے۔ سعودی خبر رساں ادارے موجب ہک پریس کانفرنس اچ انہاں آکھیا جو غزہ تے اسرائیلی حملیاں اچ ݙو لکھ مکان مکمل یا ادھے تباہ تھی ڳئن۔ انہاں آکھیا جو غزہ تے حملہ اسرائیل دے تاثر کوں بہتر کرݨ دی کوشش اے۔ جھڑپاں اچ ساری جہیں تے اسرائیلی فوج دا سامݨا تھیے اتے دشمن کوں وݙا ضیان تھیے۔ انہاں آکھیا جو اسرائیل دی ریاست اتے فوج جنگ دے شروع توں ہݨ تئیں کوئی فوجی یا سیاسی کامیابی حاصل کرݨ اچ کامیاب نی تھی سڳی۔ غزہ اسرائیلی زمینی حملے دے خلاف مزاحمت جاری رکھیسی۔
